Qeveria e Serbisë në mbledhjen e sotme vendosi që në të ardhmen komunikimin zyrtar me Shkupi ta përdor termin Republika e Maqedonisë së Veriut apo emrin e shkurtuar Maqedonia e Veriut.

Qeveria serbe sot miratoi rezolutën për përdorimin e emrin Republika e Maqedonisë së Veriut në bazë të njoftimit nga Shkupi zyrtar që i ka bërë të gjithë anëtarëve të Kombeve të Bashkuara për ndryshimin e emrit, përcjell Telegrafi Maqedoni.

“Duke marrë parasysh se Serbia ka marrëdhënie të mira dhe të zhvilluara me shtetin fqinj, ndërsa ndryshimi i emrit është bërë në mënyrë të ligjshme, Qeveria konstatoi ndryshimin e emrit dhe në komunikimin e ardhshëm do ta përdor termin Republika e Maqedonisë së Veriut apo shkurtimisht Maqedonia e Veriut”, thuhet në kumtesën e qeverisë serbe.